Tantum enim christianae sanctitudinis laudes fluxae ac periturae hominum gloriae antecellunt, quantum terrae praestat pulcritudine caelum, quantumque sempi­ternae beatitatis gaudia miseras caducae huius vitae voluptates exsuperant atque evincunt.

 Illam nimirum quae evangelicis praeceptis praeclarisque Iesu Christi exemplis imbuitur tot per omnesque venas alitur; illam, qua, christiana religione virtuteque duce, ita iuveniles rediguntur ac componuntur mores, ut omnino digni evadant, quos et tenrestris patria dilaudet, et caelestis tandem aliquando nom periturae coronae praemio remuneretur.