Non solum animo libentissimo sed etiam statim voluntati vestrae Paternitatis satisfeci mittens adjunctas ad redactionein nostram litteras personis primariis et ferventibus catholicis.

 [ 804] Praeterea omnia faciemus quae in nobis sont ut causam Salesia­narum missionum promoveamus; ideo - cum hoc mense in nostris Missyi Katolikich allocutionem vestrae Paternitatis promulgare non potuissemus - faciemus hoc mense sequenti, simul cum articulo de vestris missionibus in Patagonia.

 Hic nimirum Cracoviae Princeps Lubomirski, ut certe ad notitiam Vestrae Paternitatis pervenerat, fundationem fecit ingentem pro educatione puerorum et agitur de hoc, cujusnam curae committenda sit.

 Nescimus quid hac in re statu­tum sit, sed orationibus et zelo vestrae Paternitatis totam halte rem committimus.

 Ex nostra parte petitionem habemus et quidem enixe rogamus Vestrae Paternitatis preces ad B. V. M. Auxiliatricem pro quodam sacerdote nostro (maximo vestrae Congregationis amico et promo­tore) qui non solum variis morbis sed etiam scrupulis magnis laborat; item pro alio (magnae spei) graviter decumbente et pro aliquibus aliis (soli Deo notis) intentionibus, quas non enumero, ne taedium creem.