Est confidentia quoniam canis vivens melior est leone mortuo; quia viventes sciunt quod moriantur et mortui nesciunt quicquam, etc. Quia supra dixerat cor filiorum hominum impleri malitia et procacitate, et post hæc omnia morte finiri, nunc eadem complet, et repetit: donec vivunt homines eos posse fieri justos, post mortem vero nullam boni operis dari occasionem.

 Peccator enim vivens potest melior esse justo mortuo si voluerit in ejus transire virtutes; vel certe, eo qui se [200] in malitia, potentia, procacitate jactabat et mortuus fuerit, melior potest quis pauper esse et vilissimus.