Et Cant.: Quæ est ista quæ ascendit de deserto, sicut virgula fumi, ex aromatibus mirræ et thuris? Ista tamen elevatio est mentalis, non localis, ratione objecti non loci; unde: «Sursum corda.» Mira vel stupiditas, vel malignitas Calvinistarum objicientium «Sursum corda,» quasi «sursum» localiter intelligatur.

 Male utitur Wiclef distinctione antiquorum theologorum ac Sanctorum (triplex oratio: vocalis, mentalis, vitalis sive operum); at nos recte uti debemus.