Siccine igitur te mihi tamdiu sors nostra invidebit, measque illudet expectationi? At, inquies, multùm distat à longissimo tempore mensis unus.

 Sed accidit ut cùm proximo quoque die Necium se profecturum crederet, measque jam ad te literas urgeret, Lugdunum versus pergere coactus fuerit ad ea tractanda negotia cum Duce Monmorentiano quorum maximè gratia in hac usque loca peragravit.