Verum, ubi de Ill mae et R mae Dominationis Vestrae promotione, a R do Canonico Ecclesiae Vestrae accepimus qui, etiam ipse, nos de dotibus quibus Deus omnipotens Vestram R mam Personam uberrime cumulavit, ad amussim quoad per eum fieri poterat edocuit, tum vero, Ill me et R me Praesul, tristitia nostra versa est in gaudium, aut, ut more Sacrae Scripturae dicam, versa est in cytharam, qua nimirum gratias plurimas Deo ageremus quod lucernam suam in Hierusalem non extinxisset, sed pro patribus filium nasci fecisset, quem constitueret principem super omnem illam terram tibique fausta ac salutaria praecaremur..

 Tum vero per amicos (inter quos nobilis vir D. Quarterius in primis locum jamdudum obtinet) R mam V. Dominationem salutandam duximus, cum praecipue multum [163] Ill ris et R dus D. Abbas Agaunensis, me jam vestro nomine per litteras salvere jussisset..

 Sic enim apudme constitutum est, Dominationem Vestram Ill mam et R mam omni veneratione ac sincera dilectione semper et ubique prosequi..