Et quidem, quoad secundum; Deus ab initio nobis nomen Adæ imposuit: Masculum et fæminam creavit eos, et vocavit nomen eorum, Adam, id est, terrestres, luteos; ut ait Gregorius Niss., De Creat.

 Præcepitque ei, dicens: De omni ligno paradisi comede, id est, comedere potes; de ligno autem scientiæ boni et mali ne comedas; in quacumque enim hora, etc. Adam mansit aliquamdiu solus sub præcepto; nam dedit nomina rebus et animantibus: sed non eum tentare tunc voluit serpens; expectavit donec haberet instrumentum tentationis suæ idoneum, fæminam.