Verum, quia dilectæ Nobis in Christo Sorores Joanna Francisca Fremyot, ejusdem Domus Præposita, et Maria Magdalena de Mouxi Nobis exposuerunt se adhuc proprietatem quorumdam bonorum in saeculo habere, de quibus [506] hactenus commode disponere non potuerunt, et quibus nihilominus cedere ac renuntiare cupiunt antequam dictis legibus solemnitatis votorum teneantur: propterea, Nos ambabus sex mensium, a die datae praesentium, terminum praefigimus, intra quem de dictis bonis licite disponere valeant et possint; post quem terminum declarare teneantur num dictae solemnitati votorum ejusque effectibus subjacere velint, de earum statu prout Nobis expedire videbitur, elapso termino et declaratione earum suscepta, provisuri..