C'est la ou Nostre Seigneur s'est rendu rose de martire, violette de mortification, lys de pureté; estant non seulement pur luy mesme, mays encores purifiant: Lectulus noster floridus.

 Continues a y lire, et vous y trouveres Nazarenus, qui signifie floridus, qui est encores un autre tres grand sujet de glorification; car par la Croix, nostre ame a esté parëe des belles et saintes fleurs de tant de vertuz, de tant d'aureoles si odoriferantes.