Sed addo Christum verbis suis cor vulnerare ut ad se adducat et sanet; nam ut venator qui capreas Cretenses vulnerat, porrecto dictamo [56] sanat.

 Si venator vellet ad se attrahere cervos Cretenses, ipse se in aliquo loco dictamo abundante constitueret et inde sagittas emitteret, ut cervi vulnerati ad eum dictamo coronatum sanationis gratia venirent.

 Vulnerat compunctione, sanat absolutione; infligit vulnus doloris, medetur dictamo amoris.