Peregrinationibus partim, partim necessariis cursitationibus insumpsi totum mensem; ac si quando pedem firmavi, defuit qui litteras perferendas susciperet..

 Habes sane, fateor, suavissime Frater, quod de me conqueraris qui hoc anno a me nihil litterarum accepisti; habeo vero quod de anno hoc conquerar qui tot me cursitationibus initio torsit ac contorsit ut nullibi secundum propemodum diem quiescere licuerit.