Toletus item, eodem loco, et Belarminus, in Psal. 80, existimant versiculum illum: Buccinate in neomenia tuba, restringi ad festum tubarum, quia aliæ neomeniæ non erant insignes, neque sabbatizabatur, sed tantum in neomenia Septembri, in qua occurrebat festum tubarum.

 Quo loco Belarminus per quatuor instrumenta quatuor virtutes cardinales intelligit: cithara, prudentiam; psalterium decem chordarum, justitiam mandatorum; tubæ, ductiles ictibus malleatorum effectæ, fortitudinem; tuba cornea, temperantiam.