Quamobrem de Omnipotentis Dei misericordia, ac BB. Petri et Pauli Apostolorum eius auctoritate confisi, Superioribus Generalibus pro tempore dictae Societatis facultatem facimus Indulgentias et gratias spirituales Societati ipsi ab hac S. Sede concessas insignibus Societati Benefactoribus communicandi, perinde ac si Tertiarii essent, iis tamen exceptis, quae ad vitam communem pertinent.

 VII. Easdem facultates communicandi omnibus sacerdotibus professis perpetuis, quos idoneos ad hoc munus rite obeundum iudicaveris, qui tamen praemonere tenentur Parochum, de facultatibus a Nobis obtentis.