Quomodo ergo accedet homo, id est, miseria mea, ad cor altum, id est, ad divitias et thesauros tuos? Quomodo a pulvere et cinere ad Cælum pergam? Eia ergo Advocata mea, scala Cæli, mons Dei, chorda per quam Deus venit ad miseriam meam, fac ut per te miseria mea accedat ad Deum.

 Ista est scala Jacob inversa; nam ille vidit Deum in summitate scalæ, nos in imo.

 Unde in scala Jacob Angeli ascendunt et descendunt, unde Angeli in corporibus humanis libentissime cum hominibus conversati sunt.